(الكل يدخل)أيوة أمر من بنت الورد

راجية لرضى الرحمن

حفظكيــ الاله من كل سوء

لاعدمناكيـ ولا عدمنا تميزكــ

بنتــ الورد
شكرا ــعـ الموضووع

تقبليـ مروري
الجارح*

بنت الورد ماذا أقول لك؟؟ والله إنك إنسانة عزيزة وغالية علي
من جد والله وحشتوني والجمعة معاكم وحشتني الله لا يحرمني منكم يارب
وميركوري كمان والله إنت كمان عزيزة وغالية
الجارح شكرا لك
وإنتو كمان يابنات البراق وبنت الجيل الجديد وقفتكم معايا في الازمة خففت عليا كتير وسؤالكم عني والله يبسطني ويخليني أحس فعلا أن الدنيا بخير
وأحب أقول لك يابنت الورد أنا لا بطلة ولاحاجة لأني في لحظات فقدت أعصابي وأنا متأكدة أنو لو لاسمح الله وحدة منكم مرت بظروف زي اللي أنا فيها حتعمل أكتر من اللي أنا عملته (على أساس مسوية أني عملت حاجة أصلا)
سامحوني يمكن أكون مطولة في الكلام بس أنا عشت أيام في رمضان هدي السنة شفت فيها حاجات بحكيكم عنها
أول حاجة لمن صار الحادث وانصدمنا فيه جا في بالي خط الامل اللي ماله نهاية وخط الاجل اللي يوقف الامل سبحان الله ولد عمي كان مسافر في رمضان ألمانيا عشان حيتخصص هو دارس طب بشري وكان نفسه يبني مستشفى في المستقبل ويخلي نصها خيري وكان خاطب وبعد العيد ناوي يتزوج وولد عمي التاني كان خلاص متحمس ويقول خلاص رمضان هدا بكون غير ولما يرجع الجامعة متحمس يشد حيله ويعمل ويسوي وووو...عمي كان بدأ يعمر عمارة لاولاده وأمه وكان وكان ...بس أجلهم كان في أول أيام رمضان صدق الله العظيم (لو كنت أعلم الغيب لاستكثرت من الخير) سبحان الله أنا مارح أقول ياحرام مات وهو صغير مالحق يعيش حياته لاننا لو فكرنا سبحان الله الحياة الحقيقية هي الآخرة مش الدنيا لأن الكافر يقول عند وفاته(ياليتني قدمت لحياتي) يعني الحياة الحقيقية هي اللي بدأ يشوفها لحظة الموت مو المهم في الدنيا ان الواحد فينا يعيش حياة مرفهة ويحقق آماله الموت يأتي فجأة لو ماقدم شيء لله في الدنيا وأتاه الموت سيقول ربي ارجعون بس مافي رجعة انتهى الوقت المحدد لك والفرصة كانت بيدك يارب يحسن ختامنا كلنا يارب...
الشي التاني اللي جا فبالي سبحان الله كيف في 5 أو 10 دقايق كان الحادث بعدها انقلب حالنا 180 درجة كنت مخططة لرمضان غير التخطيط هدا بس (إن الله يفعل مايشاء) سبحان الله انقلبت السيارة في خمس دقايق وانقلب حال بيت عمي أرملة ويتيمة وأولاد في المستشفى من جد الدنيا دوارة واللي يركن إلى الدنيا إنسان فاشل ...وصدق الرسول الكريم (تعرف إلى الله في الرخاء يعرفك في الشدة) صدق الرسول الكريم(احفظ الله يحفظك) قبل الحادث بعشر دقايق كانو كلهم صاحيين وكانوا بيتكلمو ومبسوطين ووو كانوا في رخاء ..سبحان الله ناموا كلهم وصار الحادث وصاروا في شدة ...
وشفت أشياء كثيرة في المستشفيات الله المستعان بس زمان أول مابدأ الطب (زمان مرة قبل التطور العلمي) كانت مهمة الطب مهمة إنسانية بحته شخص بيساعد شخص مريض نابع من الرحمة والشفقة أما الآن مع التطور و(التحضر) صار الطب تجارة ومزاج وواسطات يعني لوماعندك فلوس وماعندك واسطة ولا مزاج الدكتور مش رايق مالك مكان في المستشفى الله معاك استنى الموت في بيت أهلك وخلاص وجودك في الدنيا غير مهم أساسا...
شفت فهدي الأيام ناس شافت الموت والمرض والمصيبة كانت كبيرة بس مافي اتعاظ النفسية هي النفسية والكبر هو الكبر كأن على بالهم أنو هدي الأشياء مستحيل تحصل معاهم وأولادهم مستحيل يموتو أو يفقروا أو يمرضوا والله المستعان..
وشفت ناس ماعمرهم يصدقو إن في ناس ممكن تسيب بيتها وتسافر وتوقف مع ناس مصابين من غير مقابل وجلستنا مع بيت عمي يحسبو إننا بندور على فلوسه استغرب هم كيف عايشين كده ومابيحتقروا نفسهم..
وشفت ناس الميت ماندفن لسا وهم بيدوروا هو الفلوس اللي سابها كم وهم مالهم دخل في الورثة أصلا بس ماأقول إلا اللهم لاتجعل الدنيا أكبر همنا ولا مبلغ علمنا ولا إلى النار مصيرنا ..
وكجانب مشرق شفت الناس اللي وقفت معانا وقفة فعلية في بريدة وفي الرياض لما وصلنا وكيف فيهم الوفاء للميت وكيف همهم الأجر ومافي أي مصلحة من وجودهم إلا ابتغاء وجه الله (إن شاء الله) جزاهم الله في الدنيا والآخرة خير الجزاء ..
أسأل الله أن يجعلنا جميعا من عتقائه من النار في هذا الشهر العظيم ..آسفة على الإطالة والكلام لسا ماخلص بس حيكون شخصي أحلى لما أشوفكم إن شاء الله على خير..

راجيــة لرضى الرحمن
اسلوبكــ يوحي الي بأنك متأثرة بوفاة عمكــ وأبناه لكن في نفس الوقت فأنتي صابرة مهما قست الحياة ومهما بدت المشاكل فهكذ حال الدنيا فلاحياة مع اليأس ولا يأس مع الحياة
راجية لرضى الرحمن
الله يصبركــ واهلكــ ويصبر زوجة عمكــ وبناته ....
واذا اردت شي فنحن معكــ
واذا

ميركوري جزاك الله خير ولك مثل ماسألتي إن شاء الله ولك من المكانة في قلبي أكثر مما لي عندك والله يعلم
الجارح جزاك الله كل خير وجودي في هدا المنتدى معاكم يكفي والله بس أحس إن الدنيالسا بخير

الله يصبركم
بالفعل
القصة تقشعر لها الأبدان
ما أعرف ليش دايما الواحد ما يحسب إن اللي يحبهم ممكن في يوم من الأيام يموتو لا وإنه هو كمان ممكن يكون بيضحك ومبسوط مع أصحابه وفجأة ..........

والله أحببتك في الله بعد ما سمعت اللي حصل معاكي
ووقفتك مع أهلك
وكنت دايما أتابع أخبارك أول بأول
جعله الله في ميزان حسناتك

عزيزتي....تعلمت أنا مما حدث معك الكثير....سبحان الله....و كأننا لا نتعلم إلا بعد حدوث شيء ما يوقف مسيرة حياتنا لنتفكر ونتدبر...
عزيزتي...أسأل الله أن ينير صدرك و يشرحه لنور الإيمان والهداية والثبات...أسأله أن يرشدك إلى الطريق المستقيم الواضح المعالم فتصلي إلى أوسع الجنان أنت ومن تحبين....
الحمد لله....هناك الكثييييييييير من النماذج البشرية التي تندرج تحت مسمى الإنسانية و لكنها لا تمد إليها بصلة....ولكن الخير باق بإذن الله إلى قيام الساعة.... أسأل الله أن يبارك فيه و أن يجعله السائد
لك مني كل احترام وتقدير ودعاء صادق بأن يجعل كل لحظة في ميزان حسناتك و أن يبدل الحال إلى أفضل حال...

عاشقة القمم أحبك الله الذي أحببتني فيه
جزاك الله كل خير
ابنة الجيل الجديد لك إن شاء الله مثل ماسألتي وزيادة
أسعدك الله دوما